ويلان سەرىكتەستىگى قازاقشا تۇزەم (كوررەكتۋرا) جۇيەسىن جاريالادى

سالەم قۇرمەتتى وقىرمان:

شينجياڭ ويلان ينفورماتسيا تەحنولوگياسى سەرىكتەستىگى زەرتتەپ جاساعان «قازاقسوفت قازاقشا تۇزەم جۇيەسىنە» حوش كەلدىڭىز. تۇزەم جۇيەسى جازۋ-سىزۋمەن اينالىساتىن اعا-باۋىر، اپەكە-قارىنداستاردىڭ قىزمەتىن جەڭىلدەتىپ، جۇمىس ونىمدىلىگىن ارتتىرۋعا كومەك كورسەتۋ ماقساتىمەن ارنايى زەرتتەپ جاسالدى. جۇيەنىڭ سوزدىك قورىن دايىنداۋدا 600 مىڭعا تاياۋ ءسوز جيناپ قاراستىرىلدى. جۇيەنى جاساۋ بارسىندا ءتىل ماماندارى، كوررەكتورلار مەن گازەت، جۋرنال جانە باسپا سالاسىنىڭ قىزمەتكەرلەرى كاسىبي ۇسىنىس-پىكىرلەر بەردى. 3 جىلعا جۋىق تاباندى زەرتتەۋ-ىزدەنۋ ارقىلى قازاقشا تۇزەم جۇيەسىنىڭ العاشقى نۇسقاسى جاسالدى ءارى اشىق جاريالاندى.

ويلان سەرىكتەستىگى قازاقشا تۇزەم جۇيەسى Windows، Mac جانە Linux جۇيەلەرىندە بىردەي جۇمىس جاساي بەرەدى. كومپيۋتەرگە ءتۇسىرىپ ورناتپاي-اق تور شولعىش (浏览器) ارقىلى ينتەرنەتتە پايدالانۋعا بولادى.

تۇزەم جۇيەسىن تومەندەگى ادرەسپەن ينتەرنەتتە تىكە پايدالانۋ ادرەسى:

https: //tuzem.kazakhsoft.com

نەمەسە قازاقسوفت سايتىنىڭ باس بەتىندەگى «تۇزەم (كوررەكتۋرا)» بۇيرىعى ارقىلى كىرۋگە بولادى.

پايدالانۋ باسقىشى:

1، ءماتىندى تىكە جازىڭىز نەمەسە word فايلىن اشىڭىز.

2، «ەملە تەكسەرۋ» تۇيمەشەسىن باسىڭىز.

3، قىزىل رەڭمەن بويالعان ەملەسى قاتە بولۋى مۇمكىن سوزدەرگە ءتىنتۋىردى اپارىپ، جۇيە ۇسىنعان دۇرىس جازىلۋ مۇمكىندىگى بار سوزدەردىڭ بىرەۋىن تاڭداڭىز. ەگەر ءسىز جازعان ءسوز دۇرىس بولسا، ونى قورعا قوسۋدى ۇمىتپاڭىز.

4، « word فايلىنا ساقتاۋ» بۇيرىعى ارقىلى ءماتىندى كومپيۋتەرىڭىزگە ساقتاپ الاسىز.

جۇيە بۇيرىقتارى:

Word فايلىن اشۋ:

كومپيۋتەرىڭىزدە ساقتالعان ۋوردتا جازىلعان ماقالالاردى تىكەلەي اشىپ پايدالانۋعا بولادى.

ەملە تەكسەرۋ:

ماقالا نەمەسە ماتىندەگى سوزدەردىڭ ەملەسىن تەكسەرەدى.

اۆتوماتتى تۇزەۋ:

ماقالا نەمەسە ماتىندەگى كەزدەسكەن ەملە قاتەلىكتەرىن اۆتوماتتى تۇزەيدى.

سوزدەردى توبىمەن ىزدەۋ:

ءبىر نەمەسە بىرنەشە ءسوزدى ماقالادان ءبىر قادامدا ىزدەيدى. ەگەر ىزدەگەن ءسوز ماقالادان كەزىكسە، قىزىل كۇرەڭ رەڭمەن كورسەتىلەدى.

سوزدەردى توبىمەن تۇزەتۋ:

بۇل تەتىك ارقىلى ماقالادا كەزىككەن ەملەسى قاتە سوزدەردى ءبىر جولدا تۇزەتىلەدى.

ءسوز ساناق:

ءسوز ساناق فۋنكسياسى ماقالا نەمەسە ماتىندەگى جالپى سوزدەرگە ساناق جاسايدى، سونىمەن بىرگە ماقالادا قولدانىلعان جيىلىگى ەڭ كوپ ون ءسوز بەن جيىلىگى ەڭ از ون سوزدى اڭداتپا دەرەكتەر تاقتاسىندا كورسەتەدى. بۇل سوزدەردىڭ قولدانۋ جاعدايىنا قاراي، ماقالانى وڭدەۋگە پايدالى.

ۋاقىتشا ساقتاي تۇرۋ جانە ساقتالعان مازمۇندى وقۋ:

ۋاقىتشا ساقتاي تۇرۋ تەتىگى كەزەكتەگى ماقالانى نەمەسە ءماتىندى تۇزەم جۇيەسى ۋاقىتشا ساقتاي تۇرادى. ال، ساقتالعان مازمۇندى وقۋ تەتىگى جۇيەدە ۋاقىتشا ساقتالعان مازمۇندى قايتا كورسەتەدى.

ساقتالعان ءماتىندى ءوشىرۋ:

بۇل جۇيەدە ۋاقىتشا ساقتالعان ءماتىندى وشىرۋگە ارنالعان تەتىك.

Word فايلىنا ساقتاۋ:

بۇل تەتىك ارقىلى ەملەسىن تەكسەرىپ، قاراپ بولعان ماقالانى كومپيۋتەرىڭىزگە Word فورماتىمەن ساقتاپ الاسىز.

جۇيەنى وزدىك باپتاۋ:

بۇل جۇيەگە تىركەلگەن جەكە پايدالانۋشىلارعا ارنالعان تەتىك. اتالعان تەتىك ارقىلى تۇزەم جۇيەسىنە جەكە ەملە سوزدىك قوردى جيناۋعا بولادى. سونداي-اق جازىلىمى بولەك بولعان كەي سوزدەردى دە وسى تەتىك ارقىلى جۇيەگە ساقتايسىز.

اڭداتپا:

تۇزەم جۇيەسىن پايدالانۋ بارىسىندا كەزىككەن ماسەلەلەر بولسا، تومەندەگى بايلانىس ءنومىرى ارقىلى دەر كەزىندە اڭىس ەتۋىڭىزدى سۇرايمىز.